يا هاجسي قم راح وقـت الرقـادي
قم وأشحذ الهمـه وعـد العتـادي
وأزهم حروفـي والقوافـي وعجـل
هذا الوطـن بيـن الحنايـا ينـادي
ضمه على صـدرك وبيديـك زمـل
وأسقه من عروق الغـلا والـوداي
وأخفـظ لـه الجنحـان ذل يبجـل
موطن حضنا وسط حجره وجـادي
لين أرتوى غصن المحبـه وميـل
والله ما ضاق الصـدر يـا بـلادي
أنت الخفوق اللي بصـدري تمثـل
ما قبلك الا الديـن نهـج إعتقـادي
حبـه وحبـك ثابـت مـا يـبـدل
هـذي المبـادي ثابتـات العمـادي
يالله تهدينـي وبـأمـرك تجـمـل
مواقفـي يـارب يـا خيـر هـادي
واليوم وين اللـي لنهجـه يطبـل
نـذر علـي إنـا منايـا الأعـادي
كـل بروحـه فـوق كفـه يأمـل
أنه يبيع الروح بـأرض الجهـادي
يقبل على حـوض المنيـه يهلـل
والجيش مثل الحر وقـت الهـدادي
يشلـع مقانيصـه ولا هـو يأجـل
يقصف ملاعيـن الثـوا والتمـادي
أهل العقـول الساذجـات المهبـل
بنار تخلـف مـن جثثهـم رمـادي
والحوثي الملعـون كيـف يتسلـل
يا كيف يجهل وقفت اهـل المبـادي
اللـي يجيبونـه ذلـيـل مكـبـل
ذله مطامع شيعي و فكـر صـادي
يا هاجسي قـرب سلاحـك وكمـل
الموت من دون الوطن .. هو مرادي
لا تزهـم القيـفـان لا لا تمـهـل
ناد الخفوق .. يجيك يحداه حـادي
يا تيك يعدوا مثـل خيـل محجـل
ما هو لوحده بيـن غـر الجيـادي
تقبـل مثـل سيـل بواديـه سيـل
لجل الوطن .. دون أن صوته ينادي
الموت لجله صـار عنبـر وكـادي
وش عاد لي يا هاجسي بالرقادي ؟؟
وسلامتكم