مبزرة بعض المتزوجين

حياكم الله
بتكلم في هالموضوع عن ظاهرة سلبية عند بعض الأزواج والزوجات خاصة من حديثي الزواج...وهي التصرف كالأطفال..وحتى تتضح الصورة لكم بذكر بعض الأمثلة

>لما الزوج بياخذ زوجته عزيمة أو عرس وتكون مواعده الناس وقاعدة تتجهز من ايام..وفي الطريق يحدث خلاف تافه في السياره..فيغضب الرجل ويقرر حرمان زوجته من العزيمة ويرجعها للبيت بتصرف أرعن مااايصدر من طفل
>لما الرجل ياخذ زوجته بيت اهله في زيارة..وتقوم حماتها باعطائها بعض النصائح..تبدأ تزعل وتشيل في قلبها..وتتهاوش مع زوجها حتى ماتزور أهله.
>>>>للأسف هذي المفروض تقعد عند أمها ومربيتها يكملون تربيتها لأنها مازالت طفلة
>لما يطلع الرجل أسرته في الويك اند..ويزعجه اطفاله بطلباتهم..يقوم يقلب الطلعة نكد..ويحبسهم في البيت.
>>البزر في رابع ابتدائي يمكن عنده حكمة اكثر منه
>لما الرجل ينسى مناسبة زوجية..فالزوجة بدل ماتذكره وتحببه فيها..تنكد عليه..وتقلب عليه اليوم مشاااكل ومضاربات..وماتسكت لين الرجل يسكتها بكفين او يطلع من البيت ومايرجع الا للنوم
>لما يستلم الرجل هدية غالية من زوجته..بدل مايشكرها..ويبادلها المشاعر..ويجيب لها هدية احلى منها..يتهمها بالاسراف والتقصير والفضاوة..ويطلب منها ترجع الهدية
>>>هذا الشرهة مو عليه على اللي يجيب له هديه البزر
>لما الرجل يكون بار في اهله ويخدمهم..بدل ماتعينه زوجته..وتملك قلبه بوقفتها معاه..تضايقه وتحاول تبعده عن اهله..وتقوله اختار اما انا او اهلك
>>>>هذه يمكن تكون اغبى من اي طفله..تجبر زوجها انه يفكر جدياا بالزواج الثاني

الامثلة كثيرة ولا اريد ان اطيل عليكم..وسبب الطرح ان نضع معاً الحلول لمن يعاني الاطفال الكبار الذين صاروا بقدرة قادر أزواج وزوجات ودخلوا بيت الزوجية وصاروا مربين اجيال وهم مكانهم دور الحضانة والروضة..

ماهي الحلول لاصلاحهم وجعلهم رجال ونساء يقدرون عمرهم ويتحملون المسؤولية؟؟؟؟؟؟

» تعريف اللزقه عند المتزوجين>>لامانع من دخول العزاب للاستفاده